2015年5月11日 星期一

公務員感嘆

幾位在80年代一同在觀塘政務署的同事,上星期請我吃晚飯;他們十分熱情和念舊,每次我回香港都為我接風。

大家現在都是「登陸」之年,我在90年代離職,他們卻是好頭好尾,一路做到退休。在漫長的30餘年公務員生涯之中,轉換過很多崗位,與無數同事相處過,為什麼我們這一批會特別要好呢?可能是當年大家都是放下書包不久,一同在政務署成長之故。

在政務署工作,兄弟情誼特別強,因為要做很多合作的活動,特別有面對「街佬」(區議員和社區人士)的壓力--觀塘是最早成立區議會,實驗代議政制的地區..........


撫今追昔,不無感嘆乎!

幾位同事,頭腦都十分開明,深明大義,不會盲撐現在的特區政府的倒行逆施;雖然對香港近來民主抗爭運動,有不同程度的支持。

白頭宮女話當年,少不免比較以往和現在,公僕與議員的關係的分別。

幾乎是一致同意了,現在做官真的不好當,經常要被議員頤使氣指,甚至當面侮辱。那些民意代表,以此為有料或夠型的表現。

我會認為現在政府官員表現出來的言不由衷、立場閃縮、文過飾非、顛倒黑白、自討沒趣的劣行,無日無之,乃市民厭惡他們的主要原因。

另一方面,亦是民眾知道自己的權利,認為毋須像以往保持一定的禮貌,質詢之餘尚且給官員留兩分情面,大家好來好去。

配合民主發展必經的階段,也是理當如此了。


。。。。。。。。

*倘有留言未能即時上板,是自動過濾去了spam之故,諸君稍安無躁,版主每日檢查幾次,一有發現便會救回*


(文章允許轉貼,請具作者名字:梁煥松)
。。。。。。。。。。。。。。。

21 則留言:

  1. 以前老人家成日講,唔出聲咪當我係唖,好啦現在你唔出聲咪表示你欣然接受,出得聲多又話你激進,以前唔出聲就當沉黙的大多數,官字兩個口,佢講晒, 43/27 係乜野調題,啲高官或大建制出街,點解會有咁多金句出現。

    回覆刪除
  2. 還有,一九九七年七月一日起,香港成了特區,大老闆不再是事頭婆,而是中南海那班類似人的物體!為了奉迎那班物體,香港很多人都變成變形蟲,人不像人,鬼不像鬼!

    回覆刪除
  3. 聴個班三不像講野,隔亱飯都嘔番出嚟,佢哋講乜㰖都得,總之夠左就得,唔使負責,使幾個億搞掂幾張票咪收咧啦。

    回覆刪除
  4. 梁師傅,高鐵呢鑊野你話會點收科呢?

    回覆刪除
    回覆
    1. 要大陸賠償香港人的血淚錢。投票支持者,每天跪在皇后像廣場三小時謝罪!

      刪除
    2. 高鐵點解會咁貴又爛尾,會唔會找埋隔離檯條數?

      刪除
    3. 我估
      洗濕了個頭,點都會超支埋尾,可能是原先預算雙倍。
      開始營運之後,是長做長蝕的惡夢。

      刪除
  5. 高鐵必過千億埋單,我話嘅。

    「民眾知道自己的權利,認為毋須像以往保持一定的禮貌,質詢之餘尚且給官員留兩分情面,大家好來好去。 」

    話說回來,細個時入民政處〈就係觀塘民政處〉,counter 個 clerk 仔都擺哂官威,愛理不理,而家就真係比較 customer friendly。〈政務處以前叫民政處。〉

    回覆刪除
    回覆
    1. 八十年代之前, 衙門大小官員都高高在上, 動輒斥喝公公婆婆, 市民有事相求, 幾乎要跪拜他們, 市民仿如奴僕. 今天, 公務員大多和顏悅色, 不會罵人.

      刪除
  6. 689成日話學新加坡, 學人地專政就真. 而家收伏傳媒, 廉處有譚惠珠, 高官任命有姓高嘅睇住, 律政師, 警務處長護架, 立法會建制當道. 好快好似以前一樣, 做官易好多. 市民變番蟻民, 投訴無門, 官威無上.

    回覆刪除
  7. 松哥而家仲洗唔洗向hksar報稅或納稅?

    回覆刪除
    回覆
    1. 政府工的長糧是要繳稅的, 松哥薪高, 一定走唔出稅網.

      刪除
    2. 我的退休金雞碎咁多,在現在香港的夫婦免稅額之內。

      刪除
    3. 咁都好,唔洗納稅,冇咁肉赤。

      刪除
    4. 我寧願要納稅, 因為收入高噃.

      刪除
  8. 嘩!咁私人嘅問題都問,點解唔問埋佢夠唔夠使,如果老美佢哋會好認真哋答;non of your business!!

    回覆刪除
  9. 你以為小市民咁勞氣好過癮咩!好傷肝o架

    如果有 事頭婆 年代的善治 , 乜鬼民主o丫 , 又要去投票 , 又要去抗爭 , 咁煩阻住阿叔搵食

    又要分辨佢係人定係鬼 , 選錯隻689 , 就唔得你死

    回覆刪除
  10. 最好叫當年那班通過撥款的躝坦議員埋尾, 個班躝坦而家冇一個敢出來出聲.重有果個死肥婆立左錢走影都唔見

    回覆刪除
    回覆
    1. 班躝坦及死肥婆可能收受大筆賄款及延後利益, 不過, 廉記當睇唔到.

      刪除
  11. Simon CHEUNG下午1:58

    Chris 兄:

    非常懷念80年代在KTDO的日子,唯一的遺憾是未有跟隨您學習詠春拳。

    Simon

    回覆刪除
  12. 梁兄,講開公務員,也應該講吓九七後的特區政府,我非常欣賞上一任大律師公會主席石永泰所言,政府有權做乜佢都話合法!對立者永遠都係唔合法,發生事幹就龜縮,講一大堆廢話,道歉永遠欠 奉。
    這兩天有關美國孕婦去大陸參加其兄弟的婚禮在香港過境中羊水破裂嬰兒提早出生,這就證明特區政府的政策疆化,好啦現在連CNN都將將此事上綱,政府又媵鳮馬上放出世紙,當初醫院要先收足錢才放出世紙,人家有旅行保險公司出保證付保額$10,000,但醫院要收足$24,000才有水放水,醫院的收費還在增加中,因為嬰兒仍在ICU,問題在於嬰兒在意外中早產,嬰兒是香港人,香港人如果無收入為什麼要收咁貴,在美國醫院診所的收費會經過保險公司公會評估,唔係你收幾多就要比幾多,在美國無收入人仕或年薪$9,000以下醫療費用全由政府搞掂,醫院急症室唔可以 唔收症或無錢 唔放人,欠債還錢,唔還錢咪告上法庭,你唔放出世紙,出世45天內唔登記又犯法,為阻止雙非來港生仔,搞到一擭粥。

    現在她們在FACEBOOK籌錢已經超過此數。

    回覆刪除