2011年3月27日 星期日

點止過數咁簡單

我想有興趣看這篇文章的,大多是香港的讀者,所以題目和內容文字,都不避香港口語了。

18歲以上的永久居民,就可以收 6,000 元;新移民原本無行,現在也另外從「關愛基金」撥出款項,所以現在是人人有份了。

立法會諸公表決批准派錢,只是按一下「贊成」電掣就完事。真正推行起來就複雜了,分分鐘做死人無命賠!

你以為橫豎是有戶口的大部分人就由銀行過數,少數連銀行戶口都無的人就收支票,各大銀行已經表示合作的了,這還不容易!三粒星身份證持有人的資料,上次換智能證時政府不是有晒紀錄的嗎?庫房向人士登記處取得名單,一按電腦就惦囉。

事實上,呢單野,「點止過數咁簡單」丫!


符合派錢資格的,理論上有 幾--百--萬--人。當中大部分人長期居港,也有人四海為家,有人要搵食在大陸的時間比在香港的多,有人已經移民很多年都未返過來,有人已經是老人失智連自己姓乜名乜都講唔清楚,有人已經在海外去世沒有通知香港政府......

有人出糧、納稅、供樓都是同一個戶口,有些夫婦聯名一個戶口自己又有一個戶口,有人貪得意一個人有幾個戶口。

政府要過數轉帳的話,6000元過落哪一個戶口,無當事人自己確認,政府點知道撥去邊個戶口?

沒有戶口,要收支票或現金的人,甚至所有的人,通知書都要寄到目前的確實地址。

我想這一次,一定要經過 「本人現身 - 核對身份證 - 確認地址 - 確認銀行戶口號碼」的程序。

大拿拿,幾百萬人,換身份證都要幾年分批執行。今次這6000元,無可能分幾年派,一定要短期內一炮搞惦,派遲D派先派後都會俾人鬧。現在政府有可能接棒的部門,那些首長諗爆頭矣。


 前文:這6000元



(文章允許轉貼,請具作者名字:梁煥松)

46 則留言:

  1. 加把口上午8:49

    哈,香港就黎人口普查,可唔可以到時順手派理支票?

    回覆刪除
  2. 應是登記核對時順手做埋人口普查。

    回覆刪除
  3. 真係唔簡單,不過即管參考吓澳門政府如何處理:

    澳門總人口:544,600人(2010年6月30日)
    http://zh.wikipedia.org/zh-hk/%E6%BE%B3%E9%96%80
    香港總人口:7,097,600人(2010年年尾)=超過以上澳門總人口的 13 倍。
    http://zh.wikipedia.org/zh-hk/%E9%A6%99%E6%B8%AF
    澳門特別行政區政府2011年現金分享計劃-常見問題:
    http://www.planocp.gov.mo/2011/faq/faq_c.html
    澳門特別行政區政府2011年現金分享計劃-相關法規:
    http://www.planocp.gov.mo/2011/law_cp.html
    澳門特別行政區政府2011年現金分享計劃-相關連結:
    http://www.planocp.gov.mo/2011/relative_links_c.html
    現金分享計劃- 常見問題和答案(身份證明局):
    https://webportal.dsi.gov.mo/addressUpdated/questions_zh.html

    回覆刪除
  4. 希望現在香港政府的師弟參考下,搞得惦佢。

    回覆刪除
  5. 講番轉頭,政治又點止按一下電掣咁簡單。
    香港有立法會議員作勢否決財政預算案,又是一場角力。

    回覆刪除
  6. 吹咩嗰friend–吹脹中午12:07

    鸚鵡學舌–人派佢又派!
    以為易做又博到掌聲,佢求其噏句、下面就做餐死。一個就條條fing、一個就叫你唔好斤斤計較。叫班野早D落堂喇!

    回覆刪除
  7. Kelvin,
    之前要有多番考慮,最後就是決定「去」、「唔去」的分別。

    回覆刪除
  8. 吹脹,
    睇見你兩位的筆名,就知道是猛人!

    回覆刪除
  9. 派現金原本唔係一般市民對香港政府財政預算案的期望。
    但財爺無其他竅之下出怪招。
    有人建議:「儲備一旦超過18個月的經常性開支就可以拿來分,一半拿來分給各項將來一定要用錢的發展基金,醫療多少?教育多少?藝術多少?養老多少?………比例一早訂明;而餘下的一半,就按人頭平分算了,凡滿十八歲的本港居民都有得分,份份金額一樣。只要市民早有共識,每次都依一樣的準則去分,爭拗一定可以減少。」
    http://www.am730.com.hk/article.php?article=46377
    我覺得係好事。
    政府唔知、唔識、唔肯順水推舟,仲係頭痛醫頭、腳痛醫腳係憾事!
    始終,這顯示出製訂及修改財政預算案沒有深思熟慮或汲取教訓!

    回覆刪除
  10. 關愛基金唔係有入息審查咩﹖而家個個有份啦﹖

    d議員抽下水咁又派lu~ 真開心﹗ :]

    回覆刪除
  11. Nuclear下午1:07

    吹脹,
    記起財神真系做野唔經乜大腦,佢求其噏得就嗡.
    三十多年前,讀過建築系的他就高樓地基打樁去到地殼
    (The earth's crust)就可以抵住地震.找當時真系服了他.

    回覆刪除
  12. 我在4間銀行有戶口,可指示某行過數,沒有接到客戶通知的銀行不過數.

    回覆刪除
  13. 當政府放錢進市民的強積金儲蓄賬戶,議員投訴沒有現金。
    當政府分發錢,議員就抱怨分發得不公平的。
    我敢打賭,當政府派錢時,議員會抱怨程序太麻煩,或官商勾結,在銀行手續費上令銀行受益。

    回覆刪除
  14. 艾力,
    我諗應該今次應該周有。
    要入息審查,實嘈到拆天。

    回覆刪除
  15. Nuclear,
    對事不對人,不過今次真正係做得差。

    回覆刪除
  16. Kf,
    政府要事先知道邊間才肯過數吧。

    回覆刪除
  17. 作者已經移除這則留言。

    回覆刪除
  18. sk,
    希望今次搞得好睇D。

    回覆刪除
  19. 梁生,唔好意思。
    我篇留言(吹脹那篇和艾力那篇之間)係咪又去左 spam folder 呀?

    回覆刪除
  20. 貼第 2 次:
    派現金原本唔係一般市民對香港政府財政預算案的期望。
    但財爺無其他竅之下出怪招。
    有人建議:「儲備一旦超過18個月的經常性開支就可以拿來分,一半拿來分給各項將來一定要用錢的發展基金,醫療多少?教育多少?藝術多少?養老多少?………比例一早訂明;而餘下的一半,就按人頭平分算了,凡滿十八歲的本港居民都有得分,份份金額一樣。只要市民早有共識,每次都依一樣的準則去分,爭拗一定可以減少。」
    http://www.am730.com.hk/article.php?article=46377
    我覺得係好事。
    政府唔知、唔識、唔肯順水推舟,仲係頭痛醫頭、腳痛醫腳係憾事!
    始終,這顯示出製訂及修改財政預算案沒有深思熟慮或汲取教訓!

    回覆刪除
  21. Guybrush Threepwood下午5:29

    @Kelvin: I don't like your suggestion.

    There's going to be much discussion on how the surplus is spent: not significant simpler than how to spend the budget proper in the first place!

    The main point(s) is / are: why is there enormous amounts of surplus? Why is the government not spending the money properly? Is the government ingesting too much taxes? Spending too little? What's the point of amassing a large pool of money? For the "pleasure" of counting the large sum of money?!?

    回覆刪除
  22. Guybrush Threepwood,

    I DO think the HK government should go ahead to hand out HK$6000 to each adult permanent resident.
    I just wonder how the budget plan should have been done/amended and is going to be done in future.

    Actually, the main points you written in English here were already mentioned by the person who made the suggestion.
    「如果一個政府長期有盈餘,要麼是徵稅過高,要麼就是社會服務不足」
    「只有在經濟異常變化,造成政府有額外盈餘時,政府才需考慮是否應該派錢」
    「不應在有赤字的情況下也派錢」
    http://www.am730.com.hk/article.php?article=47162

    回覆刪除
  23. 我⋯⋯離開香港甘多年,甘多年都無交稅(俾香港,系大陸同義大利就交噻)⋯⋯
    其實政府派俾我,我都覺得收得好虧心。
    點解佢地唔問有無人唔想收入自己到直接送俾慈善機構??

    回覆刪除
  24. 英雄美人公主娘 提到(约略):「香港政府無問有無人想將 HK$6000 直接送俾慈善機構」

    令我有一個猜想:
    決策人的算盤是這樣打的:「每人 HK$6000 係既出之物,就當維穩費啦!預算案獲得通過至關重要,其他嘢?話知佢啦!」

    可能性幾大?唔知。

    回覆刪除
  25. Kelvin,
    先前的留言過濾得無影無蹤!
    財爺可能是發晦氣或受阿爺壓力,派錢塞口避免大規模示威。
    減稅舒困,減少明年盈餘,再撥多少作利民措施,比係人都派錢好。

    回覆刪除
  26. 英雄美人公主娘,
    你同我一樣,都唔想袋。
    我一無新身份證,二不會去登記。

    回覆刪除
  27. Guybrush Threepwood,
    的確是需要詳細傾下才一次掟幾百億。

    回覆刪除
  28. 再睇番轉頭,點解會派 HK$6000 ?
    應該係,好自然咁,最初有不少市民期望退稅(例牌菜,因為政府有前科)。
    財爺就話不能隨便派糖,以免過度刺激消費、引發通脹上升(其他原因呢?例如公用事業加價)。
    結果,政府唔退稅,而係注資 HK$6000 落「強迫金」。
    社會熱烈討論,財爺指預算案無修改/微調空間。
    豈料,市民反應愈趨激烈,準備大規模示威。
    政府面臨強大壓力。
    出乎意料地,財爺既退稅、又派錢。

    咁市民之後會有乜猜想、有乜期望?

    回覆刪除
  29. 布老兔晚上10:47

    我移咗民幾十年啦啵,都有份?咪好有著數,查實收都唔好意試啦!
    講真已經係他國公民,享受緊他國社會福利…
    嘩!我大家族有成幾十人,咁咪突然有幾十萬可以比孫女做首期?
    出年使唔使翻香港投票,履行翻有香港身份證=6K嘅義務?
    所以呢,當然要有入息審查啦!
    提議,有錢就復建居屋,買晒啲隧道,買埋巴士小巴渡輪地鐵等,令所有市民享受免費公共交通,仲有醫療教育需求,老人生果金,失業人士再培訓補貼,等等等等,大把地方要用錢啦!

    回覆刪除
  30. Kelvin,
    世事好多時就係咁,神推鬼擁的,陷入萬劫不復的境地。

    回覆刪除
  31. 布老兔,
    做閣下的孫女真幸福了。

    回覆刪除
  32. 或者我講得唔清楚。
    好自然咁係指市民有退稅的期望。
    但好奇怪地,財爺出爾反爾。

    回覆刪除
  33. 又再睇番轉頭,注資強積金之前試過一次。
    二○○八至二OO九年度,香港政府向合資格人士(月入一萬元或以下的僱員和自僱人士)強積金戶口注款六千,理據係顯示政府對加強香港退休保障的承擔,以及減輕社會福利開支的長遠壓力。
    http://www.budget.gov.hk/2008/chi/budget84.html
    今年,二○一一至二O一二年度,向所有強積金戶口(不設收入上限)一律注資六千,理據係協助更多市民為退休作好準備;這既不會增加通脹壓力,也是我們現在財政上可負擔的。
    http://www.budget.gov.hk/2011/chi/budget69.html

    點解今次市民反應特別激?反映出乜嘢?政策製訂者有無反省?

    回覆刪除
  34. 市民反應激烈反映民怨到達新高點。而政府是不會反省的。

    回覆刪除
  35. 以前香港人鬧老董,現在有人說老曾更唔惦。

    回覆刪除
  36. Raymond下午3:59

    香港特區政府一蟹不如一蟹,下一屆更不堪。

    六千圓,我預支買了一部Sony電視機。

    遊行的民眾日見激進,騷動可期。

    回覆刪除
  37. 派開個頭,明年無得派時,哼.......

    回覆刪除
  38. 如果理據有說服力的話,我覺得市民都唔會亂嘈、亂叫要年年派錢,寧願慳返啖氣。
    「強迫金」收費高、表現差,唔負回報已經偷笑,仲想追過通脹呀?妄想!
    根本注資強積金的理據不足,市民唔想眼白白益晒基金佬袋袋平安,自己一毫子無得落袋仲要 HK$6000 都蝕埋。
    嗚嗚...

    回覆刪除
  39. 澳洲會計師教我把退休金放晒落公積金,可以少納一些稅,我洒手擰頭。

    回覆刪除
  40. "「強迫金」收費高、表現差,唔負回報已經偷笑,仲想追過通脹呀?"???

    由2000年12月1日至2010年12曰31日,強積金在扣除行政費用後的平均回報率是每年5.5%(當然風險高的基金回報高一些,風險低的回報低些).同期的通脹率是每年0.7%. 詳情見積金局網頁.
    http://www.mpfa.org.hk/tc_chi/quicklinks/quicklinks_sta/files/Dec_2010_Issue.pdf
    YIP君對強積金的負面看法是基於事實, 還是基於道聽途說.也許,YIP君是投資高手,平均回報率是每年5.5%仍是非常低的回報. 不過, 暫時來說, 不能說強積金不能追過通脹.

    potato

    回覆刪除
  41. 公積金的回報增幅,絕對是看外圍經濟景氣,好景時試過10%一年。金融危機之後,各行各業都唔惦,代客投資的基金達人,也不能創造奇跡。

    回覆刪除
  42. potato,
    我呻吓姐,乜有平均每年 5.5% 回報咩?唔似喎!?真係唔知條數點計出嚟。

    回覆刪除
  43. potato,
    http://hk.news.yahoo.com/article/101128/4/lhux.html

    回覆刪除
  44. Yip君,

    你連積金局的報告也不信.只信那些毫無數據支持, 聽一句作十句的傳媒和政棍, 我無話可說.

    以下是一位博主的強積金成績:
    http://pineapple-farm.blogspot.com/2011/03/blog-post.html

    強積金是你支付將來退休生活的資產, 小心管理它是應有之義.香港是國際金融中心, 有關投資知識的資訊和課程不少, 沒有藉口說不知道.

    potato

    回覆刪除
  45. potato,

    我希望老兄稱呼在下全名或 Kelvin,麻煩老兄。

    您本人是香港打工仔嗎?閣下參與「強迫金」很長時間,而且成績豐碩吧(至少每年 5.5%)?係嘅就恭喜哂!
    我們可以參考積金局和基金佬的數據,但要知道,賣花讚花香嘛。

    我要強調,我不是不信積金局的報告,更不是「只信毫無數據支持的傳媒和政棍」。閣下要搞清楚!

    假若數字反映出來的實況,如您相信般有說服力,為甚麼財爺一直無強調,甚至提過?

    閣下最好綜合「賣花者」、參與者和第三者的分析。
    要有較好的強積金回報(至少高於每年 5.5%,平均姐),唔係揀 D 數字嚟 show 吓咁簡單。
    在下並非反對大家繼續供強積金,但就投資而論,的確有其他很多更好的選擇。
    若單從投資者角度出發,既然打理強積金的工夫,例如,選擇管理強積金的公司(事實上,保留帳戶部分才可)、基金種類、資金分配等等,要花時間、花精神、要「小心管理」(如您所言),那麼,選擇其他收費較低,自由度較高的投資工具更合理。
    而我相信,那些捉襟見肘、低收入、工時長、僅有強積金當退休儲蓄的香港基層勞工,就算知道(實際有幾多人知?)有不少有關投資知識的資訊和課程(收費嗎?),也是無可能(莫講話有無藉口)主動接觸的。

    您提到的那位博主(波蘿游)在該文章亦言:「強積金實行超過十載,因為管理費過高,加上員工又無選擇權,一直為人疚病,注資方案難有支持。」
    我同意。
    波蘿游(自稱係一個「小小企」裡面的小老闆)又話:「本地打工仔平均人工一萬,主僕共月供一千,每年維持 8% 實質回報,三十五年下來,以現值計算,累積金額超過二百萬。」
    我懷疑,懷疑的其中一點是:他太樂觀。

    另外,老兄最好至少解釋一下:
    1.甚麼是「以月供 IRR 折算」(博主波蘿游的供款年回報率,{奇怪他為何不直接道出往績,例如列出一批從某年到某年的增長的數字/百分比?喜歡計算,而且有相關能力?究竟要讀者易/難理解?})、
    2.年率化內部回報率按每月內部回報率的 12 次方計算得出(強積金制度的回報按內部回報率計算)的意思。

    謝謝。

    回覆刪除